.
.

.

Latest Update

அனிதா மறைந்த வலி என்னை விட்டு போகவில்லை – ஜி.வி.பிரகாஷ்



நீட் தேர்வால் பலியான அனிதாவின் மரணத்தை யாரும் மறந்திருக்க முடியாது. அவரின் துயரக்கதையை மையமாக வைத்து ‘அநீதி’ எனும் குறும்படம் உருவாகி இருக்கிறது. இதில் ’ராஜா ராணி’ பாண்டியன், பிரதீப் கே.விஜயன், லல்லு, கேப்ரிலா உள்ளிட்ட பலர் நடித்திருக்கிறார்கள். கே.சி.பால சாரங்கன் இசையமைத்துள்ள இப்படத்திற்கு விஸ்வா, ஹரி பிரகாஷ் ஒளிப்பதிவு செய்துள்ளார்.

அநீதிக்கு தீர்வு மரணம் அல்ல என்பதை வலியுறுத்தும் படமாக அமைந்து இருக்கிறது இப்படம். ஸ்ரீராம் காஞ்சனா தங்கராஜ் என்ற இளைஞர் இயக்கி இருக்கும் இப்படத்தின் திரையிடல் சென்னையில் நடைபெற்றது. இதில் சிறப்பு விருந்தினர்களாக இயக்குநர் பாலாஜி சக்திவேல், நடிகர்கள் ஜி.வி.பிரகாஷ், கதிர், சமூகப்போராளி திருமுருகன் காந்தி, இயக்குநர் இளன் மற்றும் படக்குழுவினர் கலந்து கொண்டனர்.
ஜி.வி.பிரகாஷ் பேசும்போது, அநீதி குறும்படம் ரொம்ப முக்கியமான படம். இந்தப்படத்தைப் பாதிக்கு மேல் என்னால் பார்க்க முடியவில்லை. ஆனால் முடிவை பாசிட்டிவாக அமைத்தது சந்தோஷமாக இருந்தது. நீட் என்பதை யார் கொண்டு வந்தார்களோ அவர்களே அதை வைத்துக்கொள்ளட்டும் தமிழ்நாட்டுக்கு அது தேவையில்லை. நான் அனிதாவின் வீட்டுக்குச் சென்றிருக்கிறேன். அதனால் அந்த வலி எனக்கு அதிகமாக இருக்கிறது. அந்த கலக்கம் இன்னும் என்னை விட்டு போகவில்லை. இந்தப்படத்தின் கதையோட்டம் எப்படி இருந்தாலும் படத்தின் முடிவு மிக முக்கியமானது’ என்றார்.

அநீதி குறும்படம் பெற்ற விருதுகள்

சிறந்த படம் – 5வது நொய்டா இண்டர்நேஷனல் பிலிம் விருது
சிறந்த படம் – லேக் வியூ இண்டர்நேஷனல் பிலிம் விருது
சிறந்த படம் – கொல்கத்தா இண்டர்நேஷனல் கல்ட் பிலிம் விருது
சிறந்த அறிமுக இயக்குனர் – கொல்கத்தா இண்டர்நேஷனல் பிலிம் விருது
8வது தாதா சாயிப் பால்கே ஜூரி விருது
சிறந்த திரைக்கதை – 7வது பெங்களூரு பிலிம் விருது
சிறந்த நடிகர் – டீகடை சினிமா விருது
சிறந்த படம், (சிறப்பு விருது) – 5வது நொய்டா இண்டர்நேஷனல் பிலிம் விருது

Reviews

  • Total Score 0%
User rating: 0.00% ( 0
votes )


Related articles