சூரியனில் தோய்ந்த மெல்லிய தூரிகையும் தங்க சருகாய் மின்னும். அனைவரின் கவனத்தையும் ஈர்த்துள்ளது ரவி நந்தா பெரியசாமி இயக்கியுள்ள ‘ஜிகினா’. திருப்பதி பிரதர்ஸ் நிறுவனம் விரைவில் வெளியிடவுள்ள ‘ஜிகினா’ திரைப்படத்தின் இசை சூரியன் FMல் வெளியிடப்பட்டது.
“பெரும் நபர்கள் மற்றும் பெரிய நட்சத்திரங்கள் முன்னிலையில் இசை வெளியிடுவது வழக்கமே . ‘காக்கா முட்டை’ படத்தில் நம் அனைவரது நெஞ்சங்களை கொள்ளைக் கொண்ட இரு சிறுவர்கள்தான் எங்கள் சிறப்பு விருந்தினர்கள்.மேலும், இன்றைய நிலையில் சிறிய படங்களே தமிழில் வெற்றி பெறுகிறது என்று கூறப்படும் நிதர்சனத்தின் நிஜ உருவாய் நிற்பவர்களும் இவர்களே. நல்ல கதையம்சமுள்ள திரைப்படங்கள்தான் மின்னும் பொன் போன்றது. ‘. எங்களது நிறுவனத்திலிருந்து வெளி வந்து மக்களிடையே பெரிதாய் பேசப்பட்ட ‘வழக்கு எண் 18/9’, ‘கோலி சோடா’, ‘மஞ்சப்பை’, ‘சதுரங்க வேட்டை’ வரிசையில் ஜிகினாவும் பெயருக்கு ஏற்றாற்போல் மின்னும்’ என்றுக் கூறினார் தயாரிப்பாளர் லிங்குசாமி
